¿Akonimej moneki kuali tikinseliskej? Nochin akin youij tonechikoluan, uelis yeski akin yankuixtok youij oso akin uejkaujya tikinixmatij (Ro 15:7; Heb 13:2). Xa se tokniuj akin uitse itech okse altepet oso se tokniuj akin miak xiujmejya amo monechikouayaok. ¿Xikonnemili keniuj tionmomachiliskia komo tejuatsin mitsonpanoskia? ¿Amo tikonuelitaskia maj mitsonselikan ika netasojtalis? (Mt 7:12). Yejua ika semi kuali maj timochikauakan tikintajpaloskej nochin akin youij itech Kali kampa tiMosentiliaj achto ke peuas nechikol uan satepan ke tamis. Nejin tapaleuia maj nochin kuali momachilikan (Mt 5:16). Tein melauj, xa amo uelis titajtoskej iniuan nochin akin monechikouaj. Sayoj ke, komo tisejsemej timochikauaj, nochin kuali momachiliskej. *

Nochipa moneki kuali tikinseliskej oksekin, amo sayoj itech seki tonalmej kemej ijkuak tikelnamikij imikilis Jesús. Keman taltikpakneminij kimachiliaj netasojtalis tein tiknextiaj kemej itatojtokakauan Cristo, nejin xa kinpaleuis maj kiueyichiuakan Dios uan maj kinekikan pouiskej itech taneltokalis tein melauak (Jn 13:35).