TONEMILIS KEMEJ ITATOJTOKAKAUAN CRISTO
Maj kuali tikuikan nepaleuilmej tein ika titamachtiaj
Keman tikpaleuiaj aksa maj mochiua imomachtijkauj Jesús kemej yeskia tikchijchiuaskiaj se kali. Sayoj uelis tikchiuaskej komo kuali tikuij nepaleuilmej tein tikpiaj. Kemej iTajtol Dios yejua nepaleuil tein okachi tayekantok, semi moneki maj tikmatikan keniuj tikuiskej (2Ti 2:15). Uan no, moneki tikmatiskej keniuj kuali tiktekitiltiskej okseki nepaleuilmej tein ika titamachtiaj, kemej amaixmej uan videos, porin techpaleuis maj tikinchiuakan imomachtijkauan Jesús. *
¿Toni uelis tikchiuaskej tein techpaleuis maj okachi kuali tikuikan nepaleuilmej tein ika titamachtiaj? 1) Tiktajtaniskej inepaleuil akin kiixyekana oloch tanojnotsanij, 2) titanojnotsaskej iuan se tokniuj oso se precursor akin miak xiujmejya kitekitiliani Jiova uan 3) maj nochipa timomamachtikan. Ijkon kemej okachi kuali tikuiskej nejin amaixmej uan videos okachi techyolpaktis nejin tekit kampa kemej yeskia “tikchijchiuaj” se kali keman titapaleuiaj maj mochiuakan imomachtijkauan Jesús.
REVISTAS
FOLLETOS
AMATAJKUILOLMEJ
TRATADOS
VIDEOS
TAYOLEUALISMEJ
TARJETA TEIN IKA TIKTEIXMATILTIAJ JW.ORG
^ párr. 3 Seki amaixmej tein amo pouij itech nepaleuilmej tein ika titamachtiaj chijchiujtokej kemej kinpaleuis sayoj sekin. Uan uelis mokuiskej keman monekis.
