KEYEJ MOTELNEKI. Akin momachtijtokej Biblia uelis kuali mouikaskej iuan Jiova komo iuan motemaktiaj uan moauiaj (1Pe 3:21). Akin nemij ijkon kemej motenkaujkej iuan Dios ijkuak motemaktijkej, yejuatsin kinmatampauia (Sl 91:1, 2). Akin tikchiuaj kemej Cristo timotemaktijkej iuan Jiova uan amo iuan se taltikpaknenkej, se tekit oso se taltikpaknechikol. Yejua ika, momachtianij moneki kitasojtaskej uan kipoujkaitaskej Jiova (Ro 14:7, 8).

KENIUJ TIKCHIUASKEJ:

• Keman tikonmachtijtos, xikonita iuan tein tamachtilis kijtoua kemej tamati Dios. Xikonnexti keyej moneki tikixtajtoltiskej Biblia mojmostaj uan tiktataujtiskej Jiova “youalitonal” (1Te 5:17; Snt 4:8).

• Xikonyoleua momachtijkej maj kiixtali motemaktis iuan Dios uan maj moaui. No xikonpaleui maj kiixtali kichiuas okseki taman, kemej tanankilis itech nechikolmej oso kitematiltis tein kijtoua iTajtol Dios akin nemij ompakauin uan akin iniuan tekiti. Xikonelnamiki ke Jiova amo akin kichikaujkauia maj kitekitili uan ke tisejsemej tikixtaliaj timotemaktiskej iuan oso amo (Dt 30:19, 20).

• Xikonyolchikaua akin tikonmachtijtok maj kipata tein monekis uan ijkon kiyolpaktis Jiova uan maj kichiua tein kitajtaniaj akin kineki moauis (Pr 27:11). Seki taman kemej se tamati uan tein se momattok se kichiuas semi chikauak, xa monekis tikonsentokas tikonpaleuis maj kipata nejon uan maj kinexti kualneskayomej tein kiyolpaktis Jiova (Ef 4:22-24). Xikonnextili seki tamachtilismej “ITajtol Dios kipatak ininnemilis” tein kisanij itech amaix Tanejmachtijkej.

• Xikontapoui akin tikonmachtijtok keniuj tionyolpakini tikontekitilis Jiova (Is 48:17, 18).