KEYEJ MOTELNEKI. Nochi amaixmej tein moajsij itech nepaleuilmej tein ika titamachtiaj ika tajtouaj jw.org. Tarjeta tein ika tikteixmatiltiaj jw.org ijkon kemej tratado ¿Kani tikajsiskej itanankililuan netajtanilmej tein okachi monekij? chijchiujtokej kemej kinpaleuis taltikpakneminij maj kiitakan jw.org, Internet kampa timoteixmatiltiaj. Itech jw.org uelis titepanoltiliskej semej amaixmej tein moajsij itech nepaleuilmej tein ika titamachtiaj. No uelis titepanoltiliskej ika se enlace. Nejin semi tapaleuia keman tikinnojnotsaj akin tajtouaj okse tajtol. Kemansa, no moneki tiknankiliskej netajtanilmej tein amo monankiliaj itech amaixmej tein moajsij itech nepaleuilmej tein ika titamachtiaj. Ijkuak, komo kuali tiktekitiltiaj Internet kampa timoteixmatiltiaj, okachi kuali titanojnotsaskej.

KENIUJ TIKCHIUASKEJ

• Xikonkui taxelol “TEIN BIBLIA TAMACHTIA”. Kemej neskayot, komo tiontajtoua iuan se tepopaj akin kitekipachoua keniuj kiniskaltis ininkoneuan, xikontemo itech TEIN BIBLIA TAMACHTIA > NAMIKUANIJ UAN KALYETOUANIJ.

• Xikonkui taxelol “AMAIXMEJ”. Kemej neskayot, komo se telpoch kinojnotstok se akin iuan momachtia uan kineki kinextilis folleto Itanankililuan 10 netajtanilmej tein kipiaj telpochmej, uelis kitemos itech AMAIXMEJ > LIBROS UAN FOLLETOS.

• Xikonkui taxelol “TIAKONIMEJ”. Kemej neskayot, komo tiontajtojtok iuan se akin iuan tiontekiti uan tikonneki tikonmelauilis tein tikneltokaj, xikontemo itech TIAKONIMEJ > NETAJTANILMEJ TEIN MOCHIUAJ.

SATEPAN KE TIKONITAS VIDEO XIONMOMACHTI TIKONKUIS JW.ORG, XIKONNEMILI KATIYEJUA TAXELOLMEJ TIKONKUISKIA:

• Komo tikonnojnotsa aksa akin amo kineltoka Dios.

• Komo tikonneki tikonyolseuis aksa akin yankuixtok kipanok se ueyi tekokojkayot.

• Komo tikonneki tikonpaleuis se tokniuj akin amo tanojnotsaok nion monechikouaok.

• Komo tikonneki tikonmelauas keniuj moixtaua tekit tein tikchiuaj.

• Komo tikonneki tikonpaleuis se analtekojkayot akin kineki yas nechikolmej keman mokepas ialtepeuj.