Jesús kitemakak inemilis ininka taltikpakneminij tajtakouanij (Ro 5:8). Tinochin semi timotasojkamatij maj technextiliani inetasojtalis. Sayoj ke, amo moneki tikelkauaskej ke no momikilij ininka tokniuan akin no tajtakolejkej kemej tejuan. Maj tikitakan eyi taman keniuj tikintasojtaskej tokniuan ijkon kemej Jesús kintasojta. Yekinika, maj kuali timouikakan iniuan akin tataman kemej nemij uan seseko kayomej (Ro 15:7; 2Co 6:12, 13). Ojpatika, maj tiktemokan amo tikijtoskej nion tikchiuaskej teisa tein uelis kinyolxokolis oksekin (Ro 14:13-15). Uan expatika, maj niman tiktapojpoluikan akin techyolxokolis (Lu 17:3, 4; 23:34). Komo timochikauaj tikchiuaskej ijkon kemej Jesús, Jiova kisentokas kitiochiuas nechikol ika yolseuilis uan techpaleuis maj tisenyetokan.

SATEPAN KE MOITAS VIDEO ¡MAJ OKACHIOK TIKNEXTIKAN KUALNESKAYOMEJ! XIKONNANKILI NEJIN NETAJTANILMEJ:

• ¿Keniuj Miki kiitaya inechikol?

• ¿Toni kichiuak maj kipata itanemilil?

• ¿Keniuj ineskayo Jesús kipaleuij Miki maj kipata tein kinemiliaya? (Mr 14:38).

• ¿Keniuj uelis techpaleuis Proverbios 19:11 maj tikinitakan tokniuan ika se kuali tanemilil?