TONEMILIS KEMEJ ITATOJTOKAKAUAN CRISTO
Xikelnamikikan isiuauj Lot
¿Keyej ikantachiak isiuauj Lot keman kistoya Sodoma? Biblia amo kijtoua (Gé 19:17, 26). Tein kijtouaj okseki tajkuilolmej kinextiaj ke xa kiyolkokoj kikauas tein kipiaya (Lu 17:31, 32). ¿Toni moneki tikchiuaskej uan ijkon amo tikpoloskej itatiochiualis Dios ijkon kemej isiuauj Lot? Amo moneki tiktayekanaltiskej timotomintiskej (Mt 6:33). Jesús tamachtij ke amo uelis se kitekitilis “Totajtsin Dios uan in ricojyot” (Mt 6:24). Yejua ika, ¿toni moneki tikchiuaskej komo tikitaj ke amo semiok tikchiuaj itekiyo Dios porin tiktayekanaltijtokej timotomintiskej? Maj tiktajtanikan Jiova maj techpaleui maj tikitakan toni moneki tikpataskej uan maj techyolchikaua maj ijkon tikchiuakan.
IKA EYI TAXELOLMEJ TEIN KIPIA VIDEO XIKELNAMIKIKAN ISIUAUJ LOT, XIKONNANKILI NEJIN NETAJTANILMEJ:
-
¿Keniuj uelis niknextis ke nikelnamiki isiuauj Lot?
Keman Gloria peuak kiluiaj maj kitani okachi tomin, ¿keniuj kipatak nejon kemej tanemiliaya, tajtouaya uan toni peuak kichiua?
-
¿Toni techmachtia tein kipanok isiuauj Lot?
-
¿Keniuj tein Biblia tayolmajxitia kipaleuij Joe uan ichankauan?
-
¿Keniuj itekitikaikniuan kichiujkej maj Ana kijtako ikuali uikalis iuan Jiova?
-
¿Keyej moneki se kinextis yolchikaualis keman techiluiskej maj se kitayekanalti tomin?
-
¿Toni kichiujkej Brian uan Gloria tein kinpaleuij maj oksepa kitayekanaltikan itekiyo Jiova?
-
¿Toni tayolmajxitilismej tein kipia Biblia monextiaj itech nejin video?
