Itech amatajkuilol tein Pablo kijkuilouilij Tito, kijtoj ke tokniuan telpochmej uan no Tito, monekia mochikauaskej kichiuaskej kuali tachiualismej uan ijkon kikauaskej se kuali neskayot (Tit 2:6, 7). Itech nejon capítulo no kijtoj ke Jesús kichipauaskia ixolal Jiova uan ijkon akin ompa pouiskiaj kichiuaskiaj “kuali tachiualisme” ika yolpakilis (Tit 2:14). Semej nejon kuali tachiualismej yejua tikteixmatiltiskej iTekiuajyo Dios uan titamachtiskej. Telpoch oso ichpoch, ¿uelis tikuis mochikaualis uan ijkon timochiuas precursor auxiliar oso regular? (Pr 20:29.)

Komo tikneki timochiuas tiprecursor, xikixtali keniuj uelis tikchiuas (Lu 14:28-30). Kemej neskayot, ¿keniuj timoixpanoltis keman titekititosya kemej precursor? ¿Toni uelis tikchiuas uan ijkon tikajxitis horas tein motajtani? Xiktajtani Jiova maj mitspaleui (Sl 37:5). Xikinilui motatuan tein tikixtalijtok tikchiuas uan no okseki precursores akin miak xiujmejya kichiuanij nejin tekit. Satepan, xikchiua kemej tikixtalij. Tikitas ke Jiova mitstatiochiuis porin timochikaua tiktekitilis.

SATEPAN KE MOITAS VIDEO TELPOCHMEJ UAN ICHPOCHMEJ KIUEYITALIAJ JIOVA, XIKONCHIUA NEJIN NETAJTANILMEJ:

• ¿Toni kintsakuiliaya seki tokniuan maj mochiuanij precursores, uan toni kichiujkej?

• ¿Keniuj tetatmej uelis kinpaleuiskej ininkoneuan maj mochiuakan precursores?

• ¿Keyej motelneki maj se kiixtali kemanian uan toni hora se tanojnotsas?

• ¿Keniuj tokniuan itech nechikol uelis kinyolchikauaskej uan kinpaleuiskej akin tekitij kemej precursor?

• ¿Toni tatiochiualismej kiseliaj akin tekitij kemej precursor?