Jiova amo keman kielkaua nochi tein itekitikauan kichiuanij. Ijkon kemej se tepopaj kintasojta ikoneuan uan nochipa kielnamiki tein kuali tein yejuan kichiuaj, Jiova no kielnamiki tein kuali tein tikchiuaj uan netasojtalis tein tikpialiaj (Mt 6:20; Heb 6:10). Melauak ke tinochin tataman tein ueli tikchiuaj uan tataman tein tipanouaj. Sayoj ke, komo timochikauaj tiktekitiliskej Jiova, tiyolpakiskej (Gál 6:4; Col 3:23, TNM). Ijkon kemej panouanij xiujmej, tel miakej tokniuan tapaleuianij ompa Betel. ¿No uelis titapaleuiskej ompa? Komo amo tiuelij, ¿uelis tikyolchikauaskej se tokniuj maj ompa tapaleuiti oso tikpaleuiskej se tochankauj maj kisentoka kitekitili Jiova ompa Betel?

SATEPAN KE MOITAS VIDEO ¿TONI UELIS TIKCHIUAS UAN IJKON TITAPALEUIS OMPA BETEL?, XIKONNANKILI NEJIN NETAJTANILMEJ:

• ¿Toni moneki techolinis maj titapaleuikan ompa Betel?

• ¿Toni tatiochiualismej kijtouanij ke kiselianij seki tokniuan porin tapaleuiaj ompa Betel?

• ¿Toni kintajtaniaj akin kinekij tapaleuiskej ompa Betel?

• ¿Toni moneki se kichiuas uan ijkon uelis se tajtanis se tapaleuis ompa Betel?