¿Keyej moneki timouikaskej iniuan akin kitasojtaj Jiova? Porin akin iniuan timouikaj uelis kichiuaskej maj kuali timonejnemiltikan oso amo (Pr 13:20). Maj tikitakan tein kipanok tekiuaj Jehoás. Keman mouikaya iuan tayekankatiopixkat Jehoiadá, “kichiuak tein kuali iixpan Jiova” (2Cr 24:2). Sayoj ke, keman Jehoiadá momikilij, Jehoás peuak mouika iniuan akin kichiuayaj tein amo kuali uan yejua ika kikauak Jiova (2Cr 24:17-19).

Itech yekinika siglo, tatitanil Pablo kijtoj ke nechikol kemej yeskia “se ueyi kali” uan akin ompa pouij kemej yeskia “tataman manamikme” oso tapalkamej. Timochiuaskej kemej yeskia “timanamikme de Dios ten semi kualtiaj” komo amo timouikaj iniuan akin kichiuaj tein amo kiyolpaktia Jiova, maski yeskij tokniuan oso tochankauan (2Ti 2:20, 21). Yejua ika, maj tiksentokakan tiktemokan timouikaskej iniuan akin kitasojtaj Jiova uan techpaleuiaj maj tiktekitilikan.

SATEPAN KE MOITAS VIDEO MAJ AMO TIMOUIKAKAN INIUAN AKIN UELIS TECHIJTAKOSKEJ, XIKONNANKILI NEJIN NETAJTANILMEJ:

• ¿Keniuj maski amo tikmatiskej ueliskia timouikatoskej iniuan akin kichiuaj tein amo kuali?

• ¿Toni kinpaleuij eyi tokniuan akin nesij itech video maj amo mouikakanok iniuan akin kichiuaj tein amo kuali?

• ¿Katiyejua tayolmajxitilismej tein moajsij itech Biblia uelis techpaleuiskej maj kuali tikixpejpenakan akonimej iniuan timouikaskej?