TONEMILIS KEMEJ ITATOJTOKAKAUAN CRISTO
Maj okachi kuali titanojnotsakan: Ika amaix “Xiksentokakan itech inetasojtalis Dios” xikonpaleui taltikpakneminij maj tamachtilis ajsi itech ininyolo
KEYEJ MOTELNEKI: Komo taltikpakneminij kinekij maj Jiova kiseli inintaueyichiualis moneki kiixmatiskej itanauatiluan uan kitakamatiskej (Is 2:3, 4). Amaix “Inetasojtalis Dios”, ojpatika amaix tein ika tikinmachtiaj taltikpakneminij kinpaleuia maj kiitakan keniuj tayolmajxitilis tein kipia Biblia kinpaleuia mojmostaj itech ininnemilis (Heb 5:14). Moneki timochikauaskej maj tamachtilis ajsi itech ininyolo momachtianij, ijkon keman kipataskej seki taman itech ininnemilis kichiuaskej porin kinekij kiyolpaktiskej Jiova (Ro 6:17).
KENIUJ TIKCHIUASKEJ:
-
Kuali xionmomachti achto. Xikonita tein momachtijkej kipolouaok kipatas. Xikontajtani keniuj kiita tein momachtijtok, ijkon tikonmatis tein kinemilia uan tein kimachilia (Pr 20:5; be-S pág. 259).
-
Ika recuadros xikonpaleui momachtijkej maj kiita keyej semi tapaleuia se kichiuas tein Biblia tayolmajxitia.
-
Xikonpaleui momachtijkej maj kimati taixejekos itech seki taman tein Biblia amo senkis kijtoua ox kuali oso amo, sayoj ke amo xikonilui tein moneki kichiuas (Gál 6:5).
-
Xikonita ika nejmachkayot ox akin tikonmachtijtok moneki tikonpaleuis maj kichiua seki taman tein tayolmajxitia Biblia. Ika netasojtalis xikonyolchikaua maj kipata seki taman tein moneki porin kitasojta Jiova (Pr 27:11; Jn 14:31).
