Isaías kinextij se kuali tanemilil tein tejuan no uelis tiknextiskej. Kinextij ke takuaujtamatia uan niman yajki kampa okachi monekia nepaleuil maski amo kimatia nochi tein kiixnamikiskia (Is 6:8). ¿Uelis tejuatsin uan mochankauan nankipataskej seki taman uan ijkon nantapaleuitiuij kampa monekij okachi tanojnotsanij? (Sl 110:3). Sayoj ke, achto ke nankiixtaliskej nankichiuaskej, moneki kuali nankinemiliskej (Lu 14:27, 28). Sayoj ke, komo tiknekij tikteixmatiltiskej kuali tanauatilmej moneki tikauaskej seki taman maski techouijmakas (Mt 8:20; Mr 10:28-30). Kemej kinextia video Tiyajkej titapaleuitoj okseko, tatiochiualismej tein tikseliaj porin tiktekitiliaj Jiova okachi miak ke tein uelis tikauaskej.

• ¿Toni monekik kikauaskej kalyetouanij Williams uan ijkon uelik yajkej tapaleuitoj ompa Ecuador?

• ¿Toni kiitakej achto ke kiixejekoskiaj kani yaskiaj tapaleuitiuij?

• ¿Toni tatiochiualismej kiselijkej?

• ¿Keniuj uelis tikmatiskej itech katiyejua altepemej okachi monekij tanojnotsanij?

• ¿Toni uelis tikchiuaskej kemej kalyetouanij tein techpaleuis maj okachi titanojnotsakan? (km 8/11 págs. 4-6).

• Komo amo ueli titapaleuitij okseko, ¿keniuj uelis titapaleuiskej itech tonechikol? (w16.03 págs. 3-5).