Ijkon kemej panouanij xiujmej, seki tekiuanij miakpa kinpaleuianij itekitikauan Jiova (Esd 6:1-12; Est 8:10-13). Itech nejin tonalmej tikitanij ke “taltikpak”, oso tekiuanij akin okachi techpaleuiaj, kitolouanij “in at”, oso kitsakuilianij itaixnamikilis “amokuali tekuani”, Satanás (Ap 12:16). Jiova, “Dios akin temakixtia”, miakpa kinoliniani tekiuanij maj kinpaleuikan itekitikauan (Sl 68:20; Pr 21:1).

¿Tiontsaktok porin tikonueyichiua Jiova? Uelis tikonyekmatis ke yejuatsin mitsonyekpia (Gé 39:21-23; Sl 105:17-20). Jiova mitsontatiochiuis porin iuan tiontakuaujtamati uan tokniuan semanauak taltikpak kinyolchikaua kiitaskej ke amo tikonkaua yejuatsin (Flp 1:12-14; Ap 2:10).

SATEPAN KE MOITAS VIDEO KINKIXTIAJ TOKNIUAN AKIN TSAKTOYAJ OMPA COREA, XIKONNANKILI NEJIN NETAJTANILMEJ:

• ¿Keyej tel miakej tokniuan kintsakkej seki xiujmej ompa Corea del Sur?

• ¿Toni tein kiixtalijkej tamelauanij tapaleuij maj seki tokniuan niman kinkixtianij?

• ¿Keniuj uelis tikinpaleuiskej tokniuan akin miakkan tsaktokej porin kiueyichiuaj Jiova?

• Kemej amo titsaktokej, ¿toni moneki tikchiuaskej axkan?

• ¿Akoni moneki tikueyitaliskej porin tamelauanij kiixtalianij tein uelis techpaleuis?