TAMACHTILIS TEIN KIPIA BIBLIA | ESDRAS 6-10
Jiova kineki maj tiktekitilikan ika yolpakilis
Esdras kiixtalia tein moneki uan ijkon mokepas Jerusalén
7:6, 22; 8:26, 27
-
Tekiuaj Artajerjes kikaua Esdras maj mokepa Jerusalén uan ijkon tapaleuis maj kiueyichiuakan Jiova
-
Tekiuaj kimaka Esdras nochi tein tajtani tein mokuis ichan Jiova: oro, plata, trigo, vino, aceite uan istat. Axkan, nochi nejin ipatiuj panoskia 1,600,000,000 pesos (100,000,000 dólares)
Esdras kiyekmati ke Jiova kinyekpias itekitikauan
7:13; 8:21-23
-
Keman ojtokakej Jerusalén kiixnamikkej ouijkayomej
-
Kampa xa nejnenkej katka tamouilil uan monekia ojtokaskej kemej 1,600 kilómetros (1,000 millas)
-
Monekia ojtokaskej kemej naui metsti
-
Akin mokepaskiaj monekia moajsis chikauak inintakuaujtamatilis, kitasojtaskej taueyichiualis tein melauak uan miak yolchikaualis
ESDRAS KIUIKAK...
Oro uan plata tein etik katka panoua 750 talentos, nejin etik kemej eyi elefantes tein uejueykej
KIIXNAMIKKEJ...
Tachtekinij, taluakyan uan tapialmej tamouililmej
