Mateo capítulo 8 uan 9 ika tajtoua keniuj Jesús tanojnotsak ompa Galilea. Keman Jesús kinpajtij taltikpakneminij, kinextij chikaualis tein kipiaya, sayoj ke okachi kinextij ueyi netasojtalis uan teiknelilis tein kinpialiaya oksekin.
-
Jesús kipajtij se takat akin kipiaya lepra (Mt 8:1-3).
-
Jesús kipajtij itakeual se akin kinixyekanaya tateuianij (Mt 8:5-13).
Kipajtij imonan Pedro (Mt 8:14, 15).
Kinkixtilij taltikpakneminij amokuali ejekamej uan kinpajtij akin tajyouijtoyaj (Mt 8:16, 17).
-
Jesús kinkixtij amokuali ejekamej tein tel chikaujkej uan kintitanik itech miak pitsomej (Mt 8:28-32).
-
Jesús kipajtij se takat akin amo uelia nejnemia (Mt 9:1-8).
Kipajtij se siuat akin kimatokak itaken uan oksepa kimakak nemilis ikonetsin Jairo (Mt 9:18-26).
Kinpajtij omen akin amo tachiayaj uan se akin amo uelia tajtouaya (Mt 9:27-34).
-
Jesús yajtinemik itech miak xolalmej uan kinpajtij akin ompa nemiaj ika nochi taman tein kinkokouaya uan tein yeski kokolis tein kipiayaj (Mt 9:35, 36, TNM).
¿Keniuj uelis okachi nikintasojtas uan nikiniknelis akin moajsij nouan?
