Ijkon kemej Jiova kiixtalij keniuj moajsiskej israelitas, axkan no kinixtalia itekitikauan keniuj kichiuaskej tekit tein kinmaka. Itech sucursales, circuitos, nechikolmej uan itech nechikolmej tixejxeliujtokej keniuj titanojnotsaskej uan nejon tapaleuia maj nochin tikinnojnotsakan hasta akin tajtouaj okse tajtol (Ap 14:6, 7).

¿Tikonnemiliani tionmomachtis okse tajtol uan ijkon tikonmachtis oksekin tein melauak? Komo amo tionkemanti tionmomachtis okse tajtol, xa mitsonpaleuis aplicación JW Language xionmomachti keniuj tiontetajpalos. Keman ijkon tikonchiuas, tionyolpakis ijkon kemej tokniuan akin nemiaj itech yekinika siglo, keman kinnojnotskej oksekin itech inintajtol akin kayomej itech okseki altepemej “ika ne ueyi itatiochiualisuan de Dios” (Hch 2:7-11).

SATEPAN KE MOITAS VIDEO KUALI XIMOUIKA IUAN JIOVA: XITANOJNOTSA ITECH OKSE TAMAN TAJTOL, XIKONNANKILI NEJIN NETAJTANILMEJ:

• ¿Kemanian uelis tikuiskej JW Language?

• ¿Toni uelis tikajsiskej itech nejin aplicación?

• ¿Katiyejua tajtolmej motajtoua kampa titanojnotsaj?

• ¿Toni moneki tikchiuaskej komo akin tiknojnotsaj ika iTekiuajyo Dios tajtoua okse tajtol uan kineki kimatis okachi? (od-S 100 § 39-41).