Jiova semi mitsonpatiuita (Is 43:4). Yejuatsin mitsonpaleuij kuali xionmouika iuan, uan xionmoajsi itech inechikol. Kemej tionmotemaktijya uan tionmoauijya, tejuatsin axkan tiiaxka Jiova. Yejua ika, yejuatsin mitsonyekpias hasta keman tikonpias uejueyi ouijkayomej, uan ika inechikol mitsonnextilis inetasojtalis tein amo tami (Sl 25:10).

Keman tikitaj keniuj inechikol Jiova kinpaleuia tokniuan akin kipanouaj tataman ouijkayomej okachi tikpatiuitaj inetasojtalis Jiova tein amo tami.

SATEPAN KE TIKONITAS VIDEO TEIN KITEMATILTIAJ COMITÉ DE COORDINADORES (2019), XIKONNANKILI NEJIN NETAJTANILMEJ:

• Kemej mochiuaj tetsaujmej oso okseki taman ouijkayomej, ¿toni kiixtalij Comité de Coordinadores maj mochiua itech nochi kalmej Betel?

• ¿Keniuj inechikol Jiova kinpaleuij tokniuan akin nemij Indonesia uan Nigeria?

• ¿Toni tein kichiuani inechikol Jiova keman peuak moajsi kokolis COVID-19 okachi tikonpatiuita?