Nechikolmej semi monekij porin no ika tikueyichiuaj Jiova (Sl 22:22). Nochin akin kiueyichiuatij Jiova itech nechikolmej yolpakij uan kiseliaj miak tatiochiualismej (Sl 65:4). Miakpa, akin momachtijtokej Biblia niman kiixtaliaj kitekitiliskej Jiova keman nochipa youij nechikolmej.

¿Keniuj uelis tikonpaleuis akin tikonmachtia ika Biblia maj youi nechikolmej? Nochipa xikonyoleua. Xikonnextili video ¿Keniuj tikchiuaj tonechikoluan? uan xikonilui keniuj kipaleuis komo youi (lff tamachtilis 10). Uelis tikontapouis teisa tein tionmomachtij itech se nechikol oso uelis tikoniluis toni moitas itech okseki nechikolmej tein tikpiaskej. Xikonmaka amaixmej tein mokuis oso xikonnextili itech JW Library^® kampa kijtoua “Reuniones”. Uan no, xikonchiua seki taman tein ika tikonpaleuis, kemej neskayot, uelis tikonuikas nechikolmej. Keman akin tikonmachtia yekinika yas se nechikol, tikonitas ke amo nenkaj nochi tein tikonchiuani (1Co 14:24, 25).

SATEPAN KE TIKONITAS VIDEO MAJ TIKINPALEUIKAN AKIN TIKINMACHTIAJ IKA BIBLIA MAJ YAKAN NECHIKOLMEJ, XIKONNANKILI NEJIN NETAJTANILMEJ:

• ¿Keyej kiitak Rita ke ueliskia kiyoleuas Coral maj youi nechikolmej?

• ¿Keyej semi tiyolpakij keman aksa akin momachtijtok Biblia youi nechikolmej?

• ¿Keniuj momachilij Coral keman yekinika yajki se nechikol?