ITajtol Dios ueli techpaleuia maj tikpatakan tein tikchiuaj (Heb 4:12). Sayoj ke amo uelis techpaleuis tein tayolmajxitia uan tein tanauatia komo amo tikneltokaj ke yekmelauj “itajtol Dios” (1Te 2:13). ¿Keniuj uelis okachi titakuaujtamatiskej itech Biblia?

Maj mojmostaj tikixtajtoltikan se taman itech Biblia. Keman tikixtajtoltiskej, maj tiktemokan tein kinextia ke yekmelauj Jehová kichiuak maj moijkuilo. Kemej neskayot, maj tikitakan tein kijtoua amatajkuilol Proverbios uan maj tikitakan ke tein tayolmajxitia tapaleuia hasta axkan (Pr 13:20; 14:30).

Maj tikixtalikan okachi timomachtiskej se taman. Moneki tikmatiskej tein kinextia ke Jehová kichiuak maj moijkuilo Biblia ika ichikaualis. Yejua ika, itech amaix Nepaleuil tein ika momachtiaj itaixpantijkauan Jiova, maj tiktemokan kampa kijtoua “Biblia”, ompa kampa kijtoua “Moijkuiloj ika inepaleuil Dios”. Uan no, komo timomachtiaj apéndice A3 itech Traducción del Nuevo Mundo techpaleuis maj okachi tikneltokakan ke tein Biblia kijtoua amo mopatani.

SATEPAN KE TIKONITAS VIDEO KEYEJ TITAKUAUJTAMATIJ KE... ITAJTOL DIOS YEJUA TEIN MELAUAK, XIKONNANKILI NEJIN NETAJTANILMEJ:

• ¿Toni tein kiajsikej itech templo ompa Karnak (Egipto) kinextia ke iTajtol Dios kijtoua tein melauak?

  Tein tikonijkuilos

• ¿Toni kinextia ke tein Biblia kijtoua amo mopatani?

  Tein tikonijkuilos

• Kemej Biblia moajsi hasta axkan, ¿toni techmachtia nejon? (Xikonixtajtolti Isaías 40:8).

  Tein tikonijkuilos