19-25 de febrero
SALMOS 8-10
Nekuikatil 2 uan netataujtil | Tanemililmej tein moitas (1 min.)
1. “Nimitsueyitalis, Jehová”
(10 mins.)
Jehová tel yolkuali touan (Sl 8:3-6; w21.08 3 § 6).
Semi tikuelitaj tikueyitaliskej Jehová keman tikintapouiaj oksekin tein yejuatsin kichijchiuak (Sl 9:1; w20.05 23 § 10).
No tikueyitaliaj keman timokuikatiaj ika nochi toyolo (Sl 9:2; w22.04 7 § 13).
XIONMOTAJTANI: “¿Toni no uelis nikchiuas para nikueyitalis Jehová?”.
2. Maj tiktemokan tamachtilis ika nejmachkayot
(10 mins.)
-
Sl 8:3. ¿Toni kijtosnekia salmista keman ika tajtoj imajpil Dios? (it-1-S 649).
-
¿Toni tamachtilis tikonajsik keman tikonixtajtoltij Biblia nejin semana?
3. Tein moixtajtoltia itech Biblia
(4 mins.) Lu 2:1-20 (th tamachtilis 11).
4. Xionpeua xikinnojnotsa oksekin
(3 mins.) KAJKALPAN. Akin tikonnojnotsa amo kineltoka Dios (lmd tamachtilis 5 punto 4).
5. Oksepa xikinkalpano
(4 mins.) XIONTANOJNOTSA KAMPA YESKI. Akin achto tikonnojnotska mitsoniluijka ke amo kineltoka Dios, sayoj ke kemaj kinekia kimatis toni kinextia ke yekmelauj aksa tachijchiuak (th tamachtilis 7).
6. Tanojnots
(5 mins.) w21.06 6, 7 § 15-18. Tamachtilis: Xikonpaleui akin tikonmachtia maj kiueyitali Jehová (th tamachtilis 10).
Nekuikatil 10
7. ¿Keniuj uelis titanojnotsaskej kampa yeski kemej amo niman kimatiskej ke ika titajtojtokej Biblia?
(10 mins.) Nemachtil iniuan takakinij.
No semi tikueyitaliaj Jehová keman tikinnojnotsaj akin iniuan timoitaj mojmostaj (Sl 35:28). Xa yekinika timouiskej tikinnojnotsaskej. Sayoj ke komo timomachtiaj keniuj tipeuaskej titajtoskej uan ueli tiksentokaj tiknojnotsaj, satepan okachi kuali titanojnotsaskej uan okachi tikuelitaskej.
Xikontali VIDEO Toni mitsonpaleuis xiontetapoui “kuali tanauatilmej tein kiualkui yolseuilis”. Xikontemo tiontanojnotsas. Uan xikontajtani tokniuan:
¿Keniuj nejin video mitsonmachtij okachi ueli xiontanojnotsa kampa yeski?
Nikan kijtoua seki taman tein mitsonpaleuis peua xiontajto iuan aksa:
-
Nochipa ke tionyas okseko, xikonita akoni uelis iuan tiontajtos. Xikontajtani Jehová maj mitsonpaleui xikonajsi akin kinekis mitsonkakis.
-
Kuali xikonnojnotsa uan xikonnexti ke tikonneki tikonpaleuis akin tikonnojnotsa. Xikonita teisa tein mitsonpaleuis xikonmati toni tein tamachtia Biblia kiuelitaskia kikakis.
-
Komo tikonita ke ueli, xikonilui keniuj uelis mitsonajsis oso mitsonnotsas uan no xikontajtani keniuj uelis tikonajsis.
-
Amo xionmoyolkoko komo niman youi uan amo uelik ika tikonnojnotsak Biblia.
-
Satepan ke tikonnojnotsas aksa, xikonnemili keniuj uelis tikonpaleuis. Para kiitas ke yekmelauj tikonneki tikonpaleuis, xikontitanili tein ika uelis kiixtajtoltis se texto den Biblia oso se tamachtilis tein moajsi itech jw.org.
Xikonchiua nejin: Komo aksa mitsontajtania toni tikonchiua para tionmoixpanoltis oso kanachi konemej tikonpia, uelis tikontapouis keniuj Biblia ika tajtoua tekit oso keniuj tetatmej uelis kiniskaltiskej ininkoneuan.
8. Tein moneki tikchiuaskej kemej nechikol
(5 mins.)
9. Nemachtil ika Biblia itech nechikol
(30 mins.) bt tamachtilis 6 § 1-8 uan tein ika peua taxelol 2.
