8-14 de enero
JOB 34, 35
Nekuikatil 30 uan netataujtil | Tanemililmej tein moitas (1 min.)
1. ¿Keyej moita ke akin yolkualmej kinpanoua tein amo kuali?
(10 mins.)
Xikonelnamiki ke Jehová amo keman kichiua maj pano tein amo kuali (Job 34:10; wp19.1 8 § 1).
Maski kemansa moitas ke amo teyi kinpanoua akin amo yolkualmej, Jehová nochi kiita (Job 34:21-26; w17.04 11 § 5).
Okachi tikinpaleuiskej akin kinchiuiliaj tein amo kuali komo tikinpaleuiaj maj kiixmatikan Jehová (Job 35:9, 10; Mt 28:19, 20; w21.05 7 § 19, 20).
2. Maj tiktemokan tamachtilis ika nejmachkayot
(10 mins.)
-
Job 35:7. Elihú kitajtanij Job: ‘¿Toni kiselia Dios motechkopa?’. ¿Toni kijtosnekik Elihú keman tajtanik nejin? (w17.04 28 § 3).
-
¿Toni tamachtilis tikonajsik keman tikonixtajtoltij Biblia nejin semana?
3. Tein moixtajtoltia itech Biblia
(4 mins.) Mr 7:1-15 (th tamachtilis 10).
4. Xionpeua xikinnojnotsa oksekin
(3 mins.) KAJKALPAN. Xikonilui ox kiuelitaskia momachtis Biblia (lmd tamachtilis 10 punto 3).
5. Xionpeua xikinnojnotsa oksekin
(4 mins.) XIONTANOJNOTSA KAMPA YESKI. Xikonnextili aksa akin kinpia konemej keniuj uelis kiajsis tamachtilismej tein kinpaleuia tetatmej, itech jw.org (lmd tamachtilis 1 punto 4).
6. Xikinpaleui maj kitojtokakan Cristo
(5 mins.) lff tamachtilis 13 punto 5 (lmd tamachtilis 11 punto 3).
Nekuikatil 58
7. ¿Tikonnejneki ‘tikonteixmatiltis itajtol Dios’ kampa yeski?
(15 mins.) Nemachtil iniuan takakinij.
Pablo kiluij Timoteo: “Xikteixmatilti itajtol Dios, nochipa xiktayekanalti” (2Ti 4:2). Tajtolmej “nochipa xiktayekanalti”, itech griego kemansa kikuiaj para kijtoskej ke se soldado oso se tajpixkej nochipa tachixtoya para niman kichiuas itekiuj. Nejin tajtolmej kinextia tein no tiknekij tikchiuaskej: nochipa titachixtoskej para tikmatiskej keniuj uelis tikpataskej tein ika titajtojtokej uan peuas ika titajtoskej Biblia.
Kemej semi tiktasojtaj Jehová uan tikpatiuitaj tein toka kichiua, tiknekij tikiniluiskej oksekin keniuj tamati yejuatsin.
Xikonixtajtolti Salmo 71:8. Uan xikontajtani tokniuan:
¿Toni tein kualtsin tein Jehová kinextia tikonuelita tikoniluis oksekin?
Kemej tikintasojtaj oksekin, tiknekij titanojnotsaskej kampa yeski.
Xikontali VIDEO ¿Keniuj tel miakej peuak momachtiaj Biblia? Uan xikontajtani tokniuan:
-
¿Keniuj tel miakej uelik kiixmatkej Jehová keman se tokniuj tanojnotsak kampa yeski?
-
¿Keniuj tein yekmelauj tamachtia Biblia kinpaleuij akin achto pouiaj tiopan?
-
¿Keyej komo tikintasojtaj oksekin techpaleuia maj amo timouikan, uan maj timoyolchikauakan titanojnotsaskej kampa yeski?
-
¿Keyej tikonnemilia ke semi tapaleuia maj titanojnotsakan kampa yeski?
8. Nemachtil ika Biblia itech nechikol
(30 mins.) bt tamachtilis 4 recuadro itech página 33.
