27 de enero hasta 2 de febrero
SALMOS 140-143
Nekuikatil 44 uan netataujtil | Tein timomachtiskej (1 min.)
1. ¿Toni tikonchiuas satepan ke tionmotataujtis?
(10 mins.)
Kuali xikonseli tein mitsonyolmajxitiskej (Sl 141:5; w22.02 12 § 13, 14).
Ika xiontanemili keniuj Jehová kipaleuiani ixolal uan no tein moka kichiuani (Sl 143:5; w23.05 27 § 5).
Xionmochikaua tiontanemilis kemej Jehová (Sl 143:10; w15 15/3 32 § 2).
Itech Salmos 140 hasta 143 tikitaj toni kijtouaya David keman motataujtiaya, sayoj ke no tikitaj ke yejua kichiuaya tein tapaleuiskia para maj mochiuani tein tajtania.
2. Maj tiktemokan tamachtilis ika nejmachkayot
(10 mins.)
-
Sl 141:2. ¿Keniuj kiita Jehová keman timotataujtiaj uan tikiluiaj tein yekmelauj tikmachiliaj? (w22.03 21 § 7).
-
¿Toni tamachtilis tikonajsik keman tikonleroj Biblia nejin semana?
3. Tein tiklerouaj de Biblia
(4 mins.) Gál 4:1-20 (th tamachtilis 12).
4. Xionpeua xikinnojnotsa oksekin
(4 mins.) XIONTANOJNOTSA KAMPA YESKI. Komo tikonita ke aksa moneki se kipaleuis, xikonpaleui uan satepan xikonnojnotsa ika tein kijtoua Biblia (lmd tamachtilis 3 punto 5).
5. Oksepa xikinkalpano
(3 mins.) XIONTANOJNOTSA KAMPA MIAKEJ PANOUAJ. Akin tikonnojnotsati mitsoniluia ke amo kipia tiempo (lmd tamachtilis 7 punto 3).
6. Xikonmelaua tein tikonneltoka
(5 mins.) Xikonnexti keniuj tiontanankiliskia. ijwfq artículo 21. Tamachtilis: ¿Keyej itaixpantijkauan Jehová amo kiseliaj maj kintalilikan esti? (th tamachtilis 7).
Nekuikatil 141
7. Xikonchiua tein mitsonpaleuis komo moneki tionmopajtis oso mitsontekiskej
(15 mins.) Nemachtil iniuan takakinij.
Jehová motenkaua ke nochipa techpaleuis keman tikpiaskej se ouijkayot (Sl 46:1). Timotekipachouaj keman moneki timopajtiskej oso moneki techtekiskej. Sayoj ke Jehová techmakani nochi tein techpaleuis keman tikpanoskej nejon. Inechikol techmakani amatsin kampa tikijtouaj maj amo techtalilikan esti (DPA), Tarjeta de identidad a uan okseki amamej tein ika tajtouaj keniuj timopajtiskej b. Uan no techpaleuiaj Tayekananij akin Tetajtouiaj itech Tapajtiloyamej. Nochi nejin techpaleuis maj tiktakamatikan tein Jehová technauatia den esti (Hch 15:28, 29).
Xikontali VIDEO ¿Tikonpia tein mitsonpaleuis komo moneki tionmopajtis? Uan xikontajtani tokniuan:
-
¿Keniuj seki tokniuan kinpaleuiani maj kipiakan ininDPA?
-
¿Keniuj amat Tein moneki kimatiskej siuamej akin kipiatij se konetsin (S-401) kinpaleuiani seki tokniuan?
-
Komo moneki mitsoninternaroskej, mitsontekiskej oso mitsonpajtiskej kemej kinpajtiaj akin kipiaj cáncer, ¿keyej moneki niman tikinmatiltis Tayekananij akin Tetajtouiaj itech Tapajtiloyamej, maski tikonnemilis ke amo teyi mitsoniluiskej ika esti?
8. Nemachtil ika Biblia itech nechikol
(30 mins.) bt tamachtilis 21 § 14-22.
Tein timomachtijkej (3 mins.) | uan netataujtil
a Akin moauijkejya uelis kiluiskej tokniuj akin kitemaka amaixmej maj kinmaka se DPA uan se Tarjeta de identidad para ininkoneuan akin ayamo kiajxitiaj 18 xiujmej.
b Keman monekis, uelis tikontajtanis tayekananij nejin amamej Tein moneki kimatiskej siuamej akin kipiatij se konetsin (S-401), Información para pacientes que necesitan una intervención quirúrgica o quimioterapia (S-407-S) uan Tein moneki kimatiskej tetatmej akin ininkoneuan kiseliskej se tapajtilis (S-55).
