TEIN TIKCHIUAJ TIITATOJTOKAKAUAN CRISTO
Maj tikinyoleuakan nochin maj touan mosentilikan ijkuak tikelnamikij imikilis Jesús
Nejin xiuit, itech tonal 27 metsti febrero peuas tikinyoleuaskej nochin akin tiueliskej kampa titanojnotsaj maj touan mosentilikan ijkuak tikelnamikiskej imikilis Jesús. Tikitaskej keniuj tikinpaleuiskej akin kiseliskej tayoleualis maj kinekikan kimatiskej okachi.
KENIUJ TIKCHIUASKEJ
TEIN UELIS TIKONIJTOS
“Tikuelitaskiaj timitsonyoleuaskej se nechikol tein semi moneki. Tonal 23 metsti marzo, semanauak taltikpak millones mosentiliskej porin kielnamikiskej imikilis Jesucristo. Motemakas se nemachtil ika Biblia tein amo moixtaua uan kimelaua keniuj techpaleuia imikilis Cristo. Nejin tayoleualis kijtoua hora uan kani mochiuas nejin nechikol. Tikuelitaskiaj touan xionmosentili”.
Komo taltikpaknenkej kineki kimatis okachi:
-
XIKONMAKA AMAIX TANEJMACHTIJKEJ
Xikonijto tein tapaleuis oksepa xikonkalpano taltikpaknenkej.
-
XIKONNEXTI VIDEO TEIN IKA TAJTOUA ITAKUALIS TOTEKOTSIN
Xikonijto tein tapaleuis oksepa xikonkalpano taltikpaknenkej.
Keman oksepa tikonkalpanos:
-
XIKONNEXTI VIDEO ¿KEYEJ MONEKI TIMOMACHTISKEJ BIBLIA?
Satepan xikontemaka se amaix tein ika titamachtiaj ika Biblia.
-
XIKONTEMAKA AMAIX ¿TONI YEKMELAUJ TAMACHTIA BIBLIA?
Ika tamachtilis tein moajsi itech páginas 206 hasta 208, xikonmelauili seki taman tein mochiua ijkuak tikelnamikij imikilis Jesús. Satepan xikontemaka amaix.
-
XIKONTEMAKA AMAIX MAJ TIKAKIKAN DIOS
Ika tamachtilis tein moajsi itech página 18 uan 19, xikonmelauili keyej momikilij Cristo. Satepan xikontemaka amaix.
