TAMACHTILIS TEIN KIPIA BIBLIA | ISAÍAS 58-62
Maj tikteixmatiltikan “xiuit keman Jiova teselia”
“Xiuit keman Jiova teselia” amo se xiuit tein kipia 365 tonalmej
61:1, 2
-
Nejin xiuit yejua keman Jiova kinkaua akin yolyemankej maj kiselikan tein yejuatsin kitematiltia tein kinpaleuis maj momakixtikan.
-
Itech yekinika siglo, “xiuit keman Jiova teselia” peuak itech xiuit 29 ijkuak Jesús peuak kichiua itekiyo Dios, uan tamik itech “tonal keman momakepak” Jiova, keman Jerusalén kiixpolojkej itech xiuit 70.
-
Itech totonaluan, “xiuit keman Jiova teselia” peuak keman Jesús kiixtalijkej kemej tekiuaj ompa iluikak itech xiuit 1914 uan tamis itech okachi ueyi tajyouilis.
Jiova kitatiochiuia ixolal ika “uejueyi koujmej tein kinextiaj melaujkayot”
61:3, 4
-
Koujmej tein okachi uejueykej moseniskaltiaj, mochiuaj se koujtaj uan ijkon mosenpaleuiaj.
-
Uejueyi naluat tein kipiaj moijilpiaj, nejon kinpaleuia maj taxikokan keman chikauak kiouaejeka.
-
Koujmej tein okachi uejkapantikej kinpaleuiaj ika ininyekauil tein okachi tsikitsitsin uan ininmaxiujyo tein uetsi talpan tapaleuia kemej tapalan.
Tokniuan taixpejpenalmej akin moajsijok nikan taltikpak akin kemej yeskiaj “koujmej tein kinextiaj melaujkayot”, kinpaleuiaj uan kinmatampauiaj akin moajsij itech nechikolmej semanauak taltikpak.
