Tepitsin achto ke mochiuaskia Pascua itech xiuit 32, Jesús kichiuak se taman ika ichikaualis Dios, nejon tein kichiuak ixnesi itech naui Evangelios.
Ika nejon, Jesús kiixtalij se taman tein hasta axkan mosentoka mokui.
-
Jesús kiniluij imomachtijkauan maj kintamakakan tel miakej maski sayoj kipiayaj makuil pan uan ome amichimej.
-
Jesús kikuik pan uan amichimej uan satepan ke motataujtij, kinxejxelouilij imomachtijkauan. Uan yejuan, kinmajmakakej akin ompa moajsiaj.
-
Maski amo miak takual katka nochin takuajkej hasta ixuikej. Jesús kintamakak tel miakej ika sayoj sekin imomachtijkauan.
-
Jesús achto kijtoj ke itech itamian tonalmej, kiixtaliskia se taman tein ika kitemakaskia takual “keman moneki” (Mt 24:45, TNM).
-
Itech xiuit 1919, Jesús kiixpejpenak “takeual takuaujtamach uan tamatkej”, seki tokniuan taixpejpenalmej, uan kinixtalij maj kinitakan “okseki takeualmej”, akin kiseliaj nejon takual tein Dios kitemaka.
-
Inintechkopa nejin tokniuan taixpejpenalmej, Jesús kichiujtok ijkon kemej kiixtalij itech yekinika siglo.
¿Keniuj uelis niknextis ke nikselia uan nikpoujkaita tein Jesús kikuitok uan ika kinmaka itekitikauan Dios tamachtilis tein kemej yeskia takual?
