Keman yetoya nikan taltikpak, Jesús miakpa ika tajtoj nejin tanauatil: “Xikpoujkaita mopopaj uan momomaj” (Éx 20:12; Mt 15:4). Yejua uelik kijtoj nejon porin kintakamatik itatuan keman katka okichpil (Lu 2:51). Keman moskaltij, achto ke Jesús momikiliskia kiitak maj imomaj kipiani tein monekiskia (Jn 19:26, 27).

Axkan, telpochmej uan ichpochmej akin kichiuaj kemej Cristo no kinextiaj ke kinpoujkaitaj inintatuan keman kintakamatij uan kuali kinnojnotsaj. Tein melauj, nejin tanauatil nochipa monekis tiktakamatiskej. Maski totatuan xiuejkejya, moneki tikakiskej tein techyolmajxitiaj, ijkon no tiknextiaj ke tikinpoujkaitaj (Pr 23:22). No tikinpoujkaitaj totatuan keman tikinnextiliaj ke tikintasojtaj uan tikinpaleuiaj ika tomin keman kinpoloua (1Ti 5:8). Tiyeskij titelpochmej oso tiuejueykejya, se taman kemej okachi kuali tiknextiaj ke tikinpoujkaitaj yejua keman titajtouaj iniuan nochipa.

SATEPAN KE TIKITAS VIDEO KENIUJ TITAJTOS INIUAN MOTATUAN, XIKNANKILI NEJIN NETAJTANILMEJ:

• ¿Keyej kemansa uelis mitsouijmakas titajtos iniuan motatuan?

• ¿Keniuj uelis tikinpoujkaitas motatuan keman iniuan titajtos?

• ¿Keyej amo nenkaj timochikauas titajtos iniuan motatuan? (Pr 15:22).