KEYEJ MOTELNEKI. Komo itanemililuan aksa kemej yeskia at tein tel uejkatan moajsi, netajtanilmej semi tapaleuiaj maj se kimati tein kinemilia (Pr 20:5). Komo kuali tiknemiliaj netajtanilmej tein tikchiuiliskej akin techkaki, tapaleuis maj kijto tein kinemilia. Uan no, ika uelis tikmatiskej seki taman tein motelneki. Jesús kuali kikuik netajtanilmej. ¿Keniuj uelis no ijkon tikchiuaskej?

KENIUJ TIKCHIUASKEJ

• Xikonchiua netajtanilmej tein ika kijtos tein kinemilia. Jesús kichiuak seki netajtanilmej tein kipaleuijkej maj kimati toni kinemiliayaj imomachtijkauan (Mt 16:13-16; be-S pág. 238 § 3-5). ¿Katiyejua netajtanilmej uelis tikonchiuas?

• Xikonchiua netajtanilmej tein ika kiajsis tanankilil tein kuali yetok. Kemej Jesús kinekia kimelauas itanemilil Pedro, kichiuilij netajtanilmej uan kiixejekoltij seki taman tein kipaleuijkej maj iselti kiajsi tanankilil tein kuali yetok (Mt 17:24-26). ¿Katiyejua netajtanilmej uelis tikonchiuas tein ika tikonpaleuis aksa maj iselti kiajsi tanankilil tein kuali yetok?

• Xikontasojkamatili keman tanankilis. Jesús kiluij se escriba ke “tanankilijka ka kuali tanemilil” (Mr 12:34). ¿Toni uelis tikoniluis aksa keman mitsonnankilis se netajtanil?

SATEPAN KE TIKONITAS YEKINIKA TAXELOL TEIN KIPIA VIDEO MAJ TIKSENTOKAKAN TIKCHIUAKAN TEKIT TEIN CRISTO KIPEUALTIJ: MAJ TITAMACHTIKAN, XIKONNANKILI NEJIN NETAJTANILMEJ:

• Maski tamachtijkej kijtoj tein melauak, ¿keyej amo kuali yetok kemej tamachtij?

• ¿Keyej moneki amo sayoj tikmelauaskej tamachtilis?

XIKONITA OJPATIKA TAXELOL TEIN KIPIA VIDEO UAN XIKONNANKILI NEJIN NETAJTANILMEJ:

• ¿Keyej uelis tikijtoskej ke tokniuj kuali kikuik netajtanilmej?

• ¿Toni okseki taman kemej tokniuj tamachtij no uelis tikuiskej?