Axkan amo semi ouij tikuiskej totonaluan itech okseki taman. Tikuij miak tiempo uan chikaualis keman titakouaj, titaxtauaj, keman tikyekpiaj uan tiktekitiltiaj tein tikpiaj. Jesús amo kipiak miak taman itech inemilis, nejon kipaleuij maj amo kitsakuiliani kichiuas itekiyo Dios (Mt 8:20).

¿Uan tejuatsin? ¿Uelis tikonpatas seki taman itech monemilis uan ijkon okachi tiontanojnotsas? Xa semej mokalyetouanij uelis kichiuas tekit kemej precursor komo nankipataj seki taman. Uan komo tejuatsin tikontekitilijtokya Dios miak tonalmej, ¿tikonitani ke tein tikonpia yolik peua mitsontsakuilia? Sayoj ke, komo tikontekitilia Jiova uan tionnemi ika amo miak taman, kuali tionmomachilis uan tionyolpakis (1Ti 6:7-9).

Xikonijkuilo toni uelis tikonchiuas tein mitsonpaleuis xionnemi ika amo miak taman.