Jiova kinpaleuij israelitas akin kipanouayaj tatasojtilis. ¿Keniuj kinpaleuia axkan tokniuan akin no kipanouaj tatasojtilis?

• Kinmachtia maj kiitakan ke tomin amo semi tayekantok (Lu 12:15; 1Ti 6:6-8).

• Kinpaleuia maj kiajsikamatikan ke semi kinpatiuita (Job 34:19).

• Kinmachtia ke moneki tekitiskej uan ke moneki amo kichiuaskej tein amo kuali, kemej tauanaskej oso okseki taman (Pr 14:23; 20:1; 2Co 7:1).

• Kichiuak maj moajsikan itech se xolal kampa kinpaleuiaj (Jn 13:35; 1Jn 3:17, 18).

• Kinmatiltia ke satepan okachi kuali nemiskej (Sl 9:18; Is 65:21-23).

Maski xa semi ouij tein tikpanotokej, maj amo timotekipachokan (Is 30:15). Jiova techmakas nochi tein monekis komo nochipa tiktayekanaltiaj iTekiuajyo (Mt 6:31-33).

SATEPAN KE TIKONITAS VIDEO NETASOJTALIS AMO KEMAN TAMI... MASKI TIKPANOUAJ TATASOJTILIS (CONGO), XIKONNANKILI NEJIN NETAJTANILMEJ:

• ¿Toni kichiuaj tokniuan akin nemij kampa ika mochiuaj uejueyi nechikolmej?

• ¿Keniuj nejin video kinextia ke Jiova semi kintasojta akin kipanouaj tatasojtilis?

• ¿Keniuj uelis tikchiuaskej kemej Jiova maski amo tikpiaj miak taman?