Itech metsti septiembre okachi timochikauaskej tikiniluiskej nochin akin tiueliskej, maj touan momachtikan Biblia ika folleto Tiyolpakiskej nochipaya. Itech nejon metsti uelis timochiuaskej precursores auxiliares uan tiktemakaskej 30 horas. ¿Keniuj titanojnotsaskej itech nejon metsti?

• Keman yekinika tikonnojnotsas aksa. Para kinekis kimatis okachi, xikonnextili itamian folleto uan xikontemo tikonnextilis keniuj titamachtiaj ika Biblia. Uelis tikoniluis xa kinekij momachtiskej akin ipa tikonnojnotsaniya ika Biblia uan akin achto kinextijkaj ke kinekiaj kimatiskej okachi. Maski xa achto amo kinekkaj momachtiskej Biblia, axkan xa kiuelitaskej kemej titamachtiaj uan folleto. Nejin folleto amo uelis tikauaskej kampa amo akin yetos nion tikintitaniliskej ika carta akin amo kinextijkej ke kinekiaj kimatiskej okachi. Tokniuan akin kiixyekanaj tanojnotsalis itech tonechikol, uelis kiixtaliskej maj okachi motanojnotsa itech nejon metsti.

• Okseki tonalmej. Komo itech tonechikol motanojnotsa ika carritos, ompa se kitalis folleto Tiyolpakiskej nochipaya. Komo aksa kiuelita folleto, xikonilui ke no uelis tikmachtiskej ika Biblia uan amo moneki taxtauas. Uelis tikoniluis keniuj titamachtiaj ika Biblia oso tikonixtalis okse tonal keman uelis tikoniluis. Tokniuj akin kiixyekana tanojnotsalis uelis kiniluis seki tokniuan akin kuali tanojnotsaj, maj tanojnotsatij kampa tanamakaj uan maj kiniluikan ox kiuelitaskiaj momachtiskej Biblia. No uelis tikoniluis ox kiuelitaskiaj momachtiskej Biblia akin iniuan tiontekiti oso oksekin.

Jesús kijtoj maj tikinpaleuikan oksekin maj kitojtokakan uan maj tikinmachtikan (Mt 28:19, 20). Tiknekij tikchiuaskej nejin tekit itech metsti septiembre keman tiktemakaskej folleto Tiyolpakiskej nochipaya.