TONEMILIS KEMEJ ITATOJTOKAKAUAN CRISTO
“Maj amo teyi kitsakuili maj moteixmatilti kuali tanauatilmej”
Keman akin kitauelitayaj ixolal Dios kinekiaj kintsakuiliskej tekitinij maj amo kiyekchijchiuanij templo, yejuan kichiujkej tein monekia para kinextiskej ke tekiuaj kinkaujka maj tekitikan (Esd 5:11-16). No ijkon panoua axkan, itekitikauan Dios kichiuaj tein moneki ininixpan tekiuanij para maj amo teyi kintsakuili maj kiteixmatiltikan kuali tanauatilmej (Flp 1:7). Yejua ika itech xiuit 1936 moixtalij Departamento de Asuntos Legales itech ueyi kali kampa techixyekanaj para maj kichiua nejin tekit. Axkan, Departamento de Asuntos Legales tein moajsi itech ueyi kali kampa techixyekanaj, kimelaua kuejmolmej keman amo techkauaj maj tikueyichiuakan Dios itech nochi taltikpak. ¿Keniuj kichiua uan keniuj techpaleuia?
SATEPAN KE TIKONITAS VIDEO TEIN KICHIUA DEPARTAMENTO DE ASUNTOS LEGALES ITECH UEYI KALI KAMPA TECHIXYEKANAJ, XIKONNANKILI NEJIN NETAJTANILMEJ:
-
¿Toni ouijkayomej kiixnamikij itaixpantijkauan Jehová?
-
¿Keniuj tataninij itaixpantijkauan Jehová ininixpan tekiuanij? Xikonijto se neskayot.
-
¿Toni uelis tikchiuaskej para maj amo teyi techtsakuili maj tikteixmatiltikan kuali tanauatilmej?
-
¿Keniuj itech jw.org uelis tikonajsis kuejmolmej tein kitankej itaixpantijkauan Jehová ininixpan tekiuanij, uan inintokay seki tokniuan akin kintsakkej porin kiueyichiuaj Jehová?
