Videos ajsij itech ininyolo taltikpakneminij porin uelij kiitaj uan kikakij. Nejin kichiua maj taltikpaknenkej techkaki ika nejmachkayot uan maj amo niman kielkaua tamachtilis. Jiova techmaka se kuali neskayot keman tamachtij ika nepaleuilmej tein moitaj (Hch 10:9-16; Ap 1:1).

Videos ¿Kipia Dios se tokayit?, ¿Akoni itanemililuan tein ijkuiliujtok itech Biblia? uan ¿Keyej uelis tikneltokaskej ke melauak tein kijtoua Biblia? kipaleuiaj tamachtilis 2 uan 3 tein kipia amaix Kuali tanauatilmej. Videos ¿Keyej moneki timomachtiskej Biblia?, ¿Keniuj mochiua se nemachtil ika Biblia? uan ¿Keniuj tikchiuaj tonechikoluan? kinpaleuis taltikpakneminij maj touan momachtikan uan maj touan mosentilikan. Uan no, uelis tikinnextiliskej okseki videos keman tikinmachtiskej ika Biblia (km 5/13 pág. 3).

• Xikontemoui achto video tein tikonneki tikonnextilis taltikpaknenkej.

• Xikonnemili se oso ome netajtanilmej tein tikonchiuilis uan tein monankilia itech video.

• Xiksenitakan video.

• Ika xitajtokan tanemililmej tein tayekantokej.

• Xikontemo itamian tein yeski tratado uan xikonnextili código tein teuika itech video ¿Keyej moneki timomachtiskej Biblia?

• Xikonnextili video ¿Keyej uelis tikneltokaskej ke melauak tein kijtoua Biblia? uan xikonmaka amaix Kuali tanauatilmej. Okachi ika xiontajto tamachtilis 3.