Tinochin moneki tiktojtokaskej ineskayo Jesús, okachiok keman tikixnamikij tayejyekolismej oso techtajyouiltiaj (1Pe 2:21-23). Jesús amo keman tanankilij keman kiuijuikaltijtoyaj nion keman kitajyouiltijtoyaj (Mr 15:29-32). ¿Toni kipaleuij maj taxiko? Senkis kiixtalij kichiuas itanejnekilis Jiova (Jn 6:38). Uan no, okachi kiitak ke ika tein kichiuaskia kiueyitaliskia itokay Jiova (Heb 12:2).

¿Keniuj titanankiliaj keman techtajyouiltiaj porin tikueyichiuaj Jiova? Akin yekmelauj tikchiuaj kemej Cristo amo timomakepaj (Ro 12:14, 17). Keman titaxikouaj ijkon kemej Jesús, tiyolpakij porin tikchiujtokej tein Jiova kineki (Mt 5:10-12; 1Pe 4:12-14).

SATEPAN KE MOITAS VIDEO ITOKAY JIOVA YEJUA TEIN OKACHI MONEKI, XIKONNANKILI NEJIN NETAJTANILMEJ:

• ¿Toni kichiuak tokniuj Poetzinger tein kipaleuij maj taxiko keman tsaktoya?

• ¿Toni taman kixikojkej tokniuan Poetzinger keman kintsakkej kampa tetajyouiltiaj?

• ¿Toni kinpaleuij maj taxikokan?