KEYEJ MOTELNEKI: Keman toselti timomachtiaj iTajtol Dios techpaleuia maj okachi kuali tikajsikamatikan tamachtilis tein melauak (Ef 3:18). No techpaleuia maj kuali timonejnemiltikan, maj tichipaujkanemikan itech nejin taltikpak uan maj okachi titakuaujtamatikan itech iTajtol Dios (Flp 2:15, 16). Keman timomachtiaj toselti, ueli tikixpejpenaj toni tamachtilis uelis techpaleuis. ¿Toni uelis tikchiuaskej uan ijkon okachi techpaleuis keman tikixtajtoltiaj uan timomachtiaj Biblia?

KENIUJ TIKCHIUASKEJ:

• Xikontsojkuilo textos uan xikonijkuilo seki taman itech Biblia tein ika tionmomachtia. No uelis tikonchiuas itech tepos.

• Keman tiontaixtajtoltis, xionmochiuili nejin netajtanilmej: ¿akoni?, ¿toni?, ¿kani?, ¿kemanian?, ¿keniuj? uan ¿keyej?

• Xikontemo nochi tein ika tajtoua se tamachtilis. Uelis tikontemos sejse texto oso sejse tamachtilis itech nepaleuilmej tein tikpiaj.

• Xikonnemili keniuj mitsonpaleuia tein tikonixtajtoltij.

• Xikonchiua tein tionmomachtia (Lu 6:47, 48).

SATEPAN KE MOITAS VIDEO KEMAN TIMOMACHTIAJ TOSELTI, OKACHI TITAKUAUJTAMATIJ ITECH ITAJTOL DIOS, XIKONNANKILI NEJIN NETAJTANILMEJ:

• ¿Keniuj sekin kiitaj keman momachtiaj ininselti?

• ¿Keyej moneki tikchiuaskej netataujtil achto ke timomachtiskej?

• ¿Toni uelis techpaleuis maj okachi tikajsikamatikan se texto itech Biblia?

• ¿Keniuj uelis tiktsojkuiloskej toBiblia tein ika timomachtiaj?

• ¿Keyej motelneki itech titanemiliskej tein timomachtiaj itech iTajtol Dios?

• ¿Toni moneki tikchiuaskej ika tein timomachtiaj?