Itech tonechikol xa moajsij seki tokniuan akin miak xiujmejya kitekitilianij Jiova. Yejuan kinextianij ke nochipa takuaujtamatinij iuan yejuatsin. Uelis tikiniluiskej maj techtapouikan toni mochiuaya achto itech inechikol Jiova uan keniuj yejuatsin kinpaleuiani keman kipanouanij ouijkayomej. Keman titaueyichiuaskej kemej kalyetouanij, uelis tikyoleuaskej semej nejin tokniuan uan tikiluiskej maj techtapoui tein kipanouani.

Komo tejuatsin tikontekitiliani Jiova miak xiujmejya, xikontapoui telpochmej oso ichpochmej tein tikonpanouani. Jacob uan José kintapouijkej ininkoneuan keniuj Jiova kinpaleuijka (Gé 48:21, 22; 50:24, 25). Satepan, Jiova kinnauatij tetatmej maj kintapouikan ininkoneuan nochi tein yejuatsin kichiujka (Dt 4:9, 10; Sl 78:4-7). Axkan, tetatmej uan okseki tokniuan uelis kintapouiskej telpochmej uan ichpochmej kualtsitsin taman tein Jiova kichiuani itech inechikol.

SATEPAN KE MOITAS VIDEO TIKSENTEKITILIAJ JIOVA MASKI TECHTAJYOUILTIAJ, XIKONNANKILI NEJIN NETAJTANILMEJ:

• ¿Keniuj tokniuan akin tekitiaj itech sucursal ompa Austria kinpaleuijkej tokniuan akin nemiaj itech altepemej kampa tekiuanij amo kinkauayaj maj kiueyichiuanij Jiova?

• ¿Toni kichiujkej tokniuan tein kinpaleuij maj kipianij chikauak inintakuaujtamatilis?

• ¿Keyej miakej tokniuan kikaujkej inechikol Jiova ompa Rumania, uan toni kinpaleuij maj mokepanij?

• ¿Keniuj mitsonpaleuia nejin video?