TAMACHTILIS TEIN KIPIA BIBLIA | JOB 1-5
Job amo kikauak Dios maski kiixnamikik ouijkayomej
Job nemik itech altepet Uz keman israelitas katkaj inintakeualuan egipcios. Maski amo katka israelita, kiueyichiuaya Jiova uan amo kikauaya. Ikalyetouanij katka ueyi uan katka tominpixkej. Itech ixolal nochin kiixmatiaj uan kipoujkaitayaj, porin kiitayaj ke katka tamatkej uan yolmelauak. Uan no, kiuelitaya kinpaleuis akin kipanouayaj tatasojtilis uan akin kinpolouaya tein monekia. Job katka se takat akin melaujkanemia.
Job kinextij ke Jiova tayekantoya itech inemilis
1:8-11, 22; 2:2-5
-
Amokuali kiitak ke Job katka se takat akin melaujkanemia uan ke amo kikauaya Dios. Amo kijtoj ke amo kitakamatia yejuatsin ta, taomeyolotij keyej kitakamatia.
-
Satanás kiyekijtoj ke Job kitekitiliaya Dios porin kinekia kiselis tein kuali.
-
Jiova kikauak maj Satanás kijtako Job, yejua ika Amokuali kitajyouiltij ika miak taman, ijkon monankiliskia ox melauak tein kijtoj Satanás oso amo.
-
Kemej Job amo kikauak Dios, Satanás kinijtouilij taltikpakneminij ke kitekitiliaj Jiova sayoj porin kinekij kiseliskej tein kuali.
-
Job amo kijtouilij tein amo kuali Dios nion kijto ke yejuatsin kitajyouiltijtoya.
