“Xiksentokakan xiijsatokan”
25:1-12, TNM
Maski Jesús sayoj kintapouij imomachtijkauan taixpejpenalmej neskayot kampa ika tajtoj majtakti ichpochmej, nochin akin tikchiuaj kemej Cristo techpaleuia (w15 15/3 págs. 9-14). “Xiijsatokan uan xitatachixtokan porin amo nankimatiske katiyejua tonal nion katiyejua hora” (Mt 25:13). ¿Uelis tikonmelauas nejin neskayot tein Jesús ika tajtoj?
-
Novio (v. 1): Jesús.
-
Ichpochmej akin yektanemiliaj (v. 2): Tokniuan taixpejpenalmej akin senkis kichiujtokej tekit tein Dios kinnauatij uan akin yeskiaj kemej tanex tein milinij hasta itamilis tein amo kuali (Flp 2:15).
-
Keman moijtoj: “¡Uitsa ya in teyokich [oso novio]!” (v. 6): Kiixnextia ke tiyetokej itech iyetolis Jesús.
-
Ichpochmej akin amo yektanemiliaj (v. 8): Tokniuan taixpejpenalmej akin youij kinamikitij novio, sayoj ke amo kisentokaj ijsatokej uan kikauaj Dios.
-
Ichpochmej akin yektanemiliaj amo kinekij kitemakaskej aceite (v. 9): Keman kiseliskej neskayot tein kinextia ke yaskej iluikak, taixpejpenalmej akin amo kikauanij Dios amo uelisok kinpaleuiskej akin kikaujkej Dios.
-
“Ejkok ne teyokich [oso novio]” (v. 10): Jesús ejko uan kijtoua akoni kinamiki kiselis tatsakuiltilis itech itamian okachi ueyi tajyouilis.
-
Ichpochmej akin yektanemiliaj kalakij iuan novio itech takualis uan kitsakuaj puerta (v. 10): Jesús kinsentilia taixpejpenalmej akin amo kikauaj Dios ompa iluikak, sayoj ke akin kikaujkej Dios amo kiseliaj nejon tatiochiualis.