KEYEJ MOTELNEKI: Yekinika Corintios yejua semej 14 amamej tein Pablo kinijkuilouilij tokniuan tein ika kinyolchikauak. Se kijkuilos carta semi tapaleuia porin akin kijkuiloua ueli kiixpejpena tajtolmej tein kikuis uan akin kiselia, miakpa uelis kiixtajtoltis. No uelis ika tikinnojnotsaskej tochankauan, akin tikinixmatij uan akin amo tikinajsij ininchan. Kemej neskayot, xa amo niman tikajsij aksa akin kineki kimatis okachi oso tel uejka nemi. ¿Keniuj moneki tikijkuilouiliskej se carta aksa akin amo tikixmatij?

KENIUJ TIKCHIUASKEJ:

• Xikonijkuilo tein tikoniluiskia taltikpaknenkej komo tikonajsiskia. Yekinika, xikonijto tiakoni uan keyej tikontajkuilouilia. Satepan, uelis tikonijkuilos se netajtanil tein kiyolnotsas uan maj kiita página itech Internet kampa timoteixmatiltiaj. Uelis tikonijkuilos ke titamachtiaj ika Biblia uan xikonijkuilo itokay se tamachtilis tein moajsi itech semej amaixmej tein ika titamachtiaj. No uelis tikontitanilis se tarjeta tein ika tikteixmatiltiaj jw.org, amat tein ika titayoleuaj nechikolmej oso se tratado.

• Komo tikonijkuiloua miak taman, taltikpaknenkej amo kinekis kiixtajtoltis nochi (xikonita keniuj uelis tikonijkuilos se carta).

• Kuali xikonijkuilo tajtolmej, maj amo ouij se kiixtajtolti, maj teyolpakti uan maj kinexti poujkaitalis.