Taixkopimej uan videos techpaleuiaj maj kuali tikajsikamatikan uan maj tikelnamikikan tein timomachtiaj. Jiova, akin okachi Ueyi Tamachtijkej, tamachtij seki taman tein motelneki ika neskayomej (Gé 15:5; Jer 18:1-6). Jesús, Ueyi Tamachtijkej, no ijkon kichiuak (Mt 18:2-6; 22:19-21). Itech xiujmej tein panouanij, mokixtianij miak videos. ¿Tikintekitiltiaj keman titamachtiaj ika Biblia?

Moajsij 10 videos tein okachi kimelauaj tamachtilismej tein kipia folleto Kuali tanauatilmej tein Dios kitemaka. Inintokay videos tamati kemej ijkuiliujtok semej netajtanilmej tein okachi tiltikej tein kipia folleto. Itech Internet, nejin amaix nesi kampa moneki moitas se video. Uan no, moajsij okseki videos tein okachi kimelauaj tamachtilismej tein kipiaj amaixmej tein ika titamachtiaj.

¿Ouij kikisa akin tikonmachtia kiajsikamatis se tamachtilis tein kipia Biblia tein nankiitstokej oso kipanotok se ouijkayot? Xikontemo se video tein uelis kipaleuis itech jw.org® oso itech JW Broadcasting®. Xa uelis nankisenitaskej uan ika nantajtoskej.

Sejse metsti mokixtiaj yankuik videos. Keman tikonitas, xikonnemili keniuj ika uelis tikonmachtis oksekin.