KEYEJ MONEKI: Miakej akin amo tachiaj mouij keman kinnojnotsa se akin amo kiixmatij. Yejua ika, moneki tiktemoskej keniuj tikinnojnotsaskej. Jiova kintasojta uan kineki kinpaleuis akin amo tachiaj (Le 19:14). Maj tikchiuakan kemej yejuatsin uan maj tikinpaleuikan maj kiixmatikan.

KENIUJ TIKCHIUASKEJ:

• Xikontemo akin amo tachiaj (Mt 10:11). ¿Tikonixmati se akin ichankauj amo tachia? ¿Moajsi se tamachtiloyan oso se kali kampa kinpaleuiaj akin amo tachiaj kampa nechikol tanojnotsa uan xa kinekiskej kipiaskej amaixmej tein kinpaleuis akin amo tachiaj?

• Xikonnexti ke tikonneki tikonpaleuis. Komo tionkualtakat uan tikonnextia ke tikonneki tikonpaleuis akin amo tachia, yejua kuali momachilis. Ika xiontajto se taman tein kiyolnotsas.

• Xikonpaleui maj kiixmatikan Jiova. Itech inechikol Jiova moajsij amaixmej tein ika uelis tikinpaleuiskej akin amo semi tachiaj. Xikontajtani akin amo tachia katiyejua amaix kineki ika momachtis. Tayekankej akin kiixyekana tanojnotsalis moneki kiitas maj tokniuj akin kitemaka amaixmej tajtani amaixmej tein kitajtanis akin amo tachia.