Akin momachtijtokej Biblia moneki kikauaskej tein amo kuali tein kichiuaj komo kinekij kuali mouikaskej iuan Jiova (1Pe 1:14-16). Komo ijkon kichiuaj xa okachi kuali yetoskej iniuan ininchankauan, xa amo kokolispeuaskej oso xa okachi kinajsis tomin.

Xikonilui akin tikonmachtia katiyejua itanauatiluan Jiova, keyej technauatia maj tikchiuakan nejon uan keniuj techpaleuia komo tikchiuaj. Xikonpaleui akin tikonmachtia maj kipatakan kemej tanemiliaj uan nejon kinpaleuis maj kichiuakan tein Jiova kineki (Ef 4:22-24). Xikonilui ke Jiova uelis kinpaleuis maj kikauakan tein amo kuali tein uejkaujya kichiuanij (Flp 4:13). Xikonmachti maj niman kitajtanikan Jiova maj kinpaleui keman kinekiskej kichiuaskej tein amo kuali. Xikonpaleui maj kiitakan toni uelis kichiuas maj tajtakokan uan xikonyolchikaua maj kichiuakan tein kinpaleuis. Uan keman tikonitas ke akin tikonmachtia kikauaj tein amo kuali ika inepaleuil Jiova, semi tionyolpakis.

SATEPAN KE TIKONITAS VIDEO MAJ TIKINPALEUIKAN AKIN TIKINMACHTIAJ IKA BIBLIA MAJ KIKAUAKAN SEKI TAMAN TEIN JIOVA KITAUELITA, XIKONNANKILI NEJIN NETAJTANILMEJ:

• ¿Toni kijtojkej tokniuan tayekananij uan Rita keman Coral kiniluij ke kikuia droga?

• ¿Keniuj Rita kipaleuij Coral?

• ¿Keniuj kitemoj Coral maj Jiova kipaleuiani?