Tikijtouaj ke aksa totasojikniuj keman semi kuali iuan timouikaj. David uan Jonatán peuak kuali mouikaj satepan ke David kimiktij Goliat (1Sa 18:1). Yejuan kinextijkej kualneskayomej tein kichiuak maj kinekinij kuali mouikaskej. Yejua ika, komo tiknekij kuali timouikaskej iuan aksa moneki kuali tikixmatiskej, uan para kuali tikixmatiskej aksa moneki panos tiempo. Sayoj ke itech redes sociales amo ouij tekisa se kinajsis “tasojiknimej”. Itech internet, taltikpakneminij ueli kitatiaj keniuj yekmelauj monejnemiltiaj porin sayoj kitaliaj tein kinekij maj oksekin kimatikan. Yejua ika moneki kuali tiknemiliskej akonimej tikinseliskej kemej totasojikniuan. Komo aksa akin amo semi tikonixmati kineki kuali mouikas mouan itech internet, amo xikonseli sayoj porin tikonnemilia ke kualanis. Kemej uelis panos miak taman tein amo kuali, sekin senkis kiixtalianij amo kikuiskej internet kampa uelis moteixmatiltiskej. Sayoj ke komo tejuatsin tikonixtalia tikonkuis, ¿toni moneki tikonelnamikis?

SATEPAN KE TIKONITAS VIDEO KEMAN TIKUIS REDES SOCIALES, XIKUI IKA TAMATILIS, XIKONNANKILI NEJIN NETAJTANILMEJ:

• ¿Toni moneki itech tiontanemilis keman tikonnekis tikontalis taixkopimej oso tikonijkuilos teisa itech internet?

• ¿Keyej moneki kuali tikonixpejpenas akonimej iniuan tionmouikas itech internet?

• ¿Keyej amo moneki uejkauak tikontekitiltijtos internet? (Ef 5:15, 16).