29 de abril a 5 de mayo
SALMOS 34, 35
Nekuikatil 10 uan netataujtil | Tanemililmej tein moitas (1 min.)
1. “Nochipa nikueyichiuas Jehová”
(10 mins.)
David kiueyitalij Jehová hasta keman kipiaya miak ouijkayomej (Sl 34:1; w07-S 1/3 22 § 11).
David nochipa ika tajtouaya Jehová uan amo moueyinekia ika tein uelia kichiuaya (Sl 34:2-4; w07-S 1/3 22 § 13).
David kinpaleuij oksekin maj okachi takuaujtamatikan keman kiueyitalij Jehová (Sl 34:5; w07-S 1/3 23 § 15).
Satepan ke Jehová kimakixtij David para maj Akís akin no monotsaya Abimélec amo kimiktiani, 400 takamej akin amo kiuelitayaj maj Saúl taixyekana, peuak kipaleuiaj David keman yetoyaj taluakyan (1Sa 22:1, 2). Xa David ininka tanemilijtoya nejin takamej keman kijkuiloj nejin salmo (Sl 34, encabezamiento).
XIONMOTAJTANI: “Keman oksepa nias nechikol uan nitajtos iuan aksa, ¿toni uelis nikiluis tein kiueyitalis Jehová?”.
2. Maj tiktemokan tamachtilis ika nejmachkayot
(10 mins.)
-
Sl 35:19. ¿Toni kijtosnekia David keman kitajtanij Jehová maj amo kinkauani maj moijkopilianij akin kitauelitayaj? (w06-S 15/5 20 § 2).
-
¿Toni tamachtilis tikonajsik keman tikonixtajtoltij Biblia nejin semana?
3. Tein moixtajtoltia itech Biblia
(4 mins.) Lu 23:1-16 (th tamachtilis 5).
4. Xionpeua xikinnojnotsa oksekin
(2 mins.) XIONTANOJNOTSA KAMPA YESKI. Youi achto ke peuas tikonnojnotsas ika Biblia (lmd tamachtilis 1 punto 4).
5. Oksepa xikinkalpano
(4 mins.) XIONTANOJNOTSA KAMPA YESKI. (lmd tamachtilis 2 punto 4).
6. Xikonmelaua tein tikonneltoka
(5 mins.) Xikonnexti keniuj tiontanankiliskia. ijwfq 59. Tamachtilis: ¿Keniuj kimatij itaixpantijkauan Jehová ox kichiuaskej se iluit oso amo? (th tamachtilis 17).
Nekuikatil 59
7. Eyi taman kemej uelis tikueyichiuaskej Jehová itech nechikolmej
(15 mins.) Nemachtil iniuan takakinij.
Itech nechikolmej ueli tikueyichiuaj Jehová. Maj tikitakan eyi taman kemej uelis tikchiuaskej.
Keman tikinnojnotsaj tokniuan: Keman iniuan titajtojtoskej oksekin, maj tikiniluikan keyej Jehová tel yolkuali (Sl 145:1, 7). ¿Tikakkej oso tikixtajtoltijkej teisa tein techpaleuij? ¿Aksa kuali techkakik keman titanojnotskej? ¿Techyolchikauak tein techiluij aksa oso tein kichiuak? ¿Tikmojkaitakej se taman tein Jehová kichijchiuak? Jehová techtayokoliani nochi nejin (Snt 1:17). Uan uelis ika titajtoskej komo tiajsij tepitsin achto ke peuas nechikol.
Keman titanankiliaj: Maj titanankilikan itech nechikolmej maski sayoj sepa (Sl 26:12). Uelis titanankiliskej tein kijtoua amaix oso tikmelauaskej okse taman, se versículo, se taixkopin oso keniuj uelis tikchiuaskej tein timomachtiaj. Moneki timomachtiskej okseki tanankililmej porin xa oksekin momaajokuiskej keman tejuan tikchiuaskej. Maj tikelnamikikan ke komo tiuejkauaj sayoj seki segundos oso tajko minuto, oksekin tokniuan no uelis ‘kiueyitaliskej Dios’ keman tanankiliskej (Heb 13:15).
Keman timokuikatiaj: Chikauak maj timokuikatikan (Sl 147:1). Xa amo uelis nochipa titanankiliskej itech nechikol, okachiok komo miakej mosentiliaj. Sayoj ke nochipa uelis tikueyichiuaskej Jehová keman timokuikatiskej. Maski tiknemiliskej ke amo kualtsin timokuikatiaj, tikyolpaktiskej Jehová komo timochikauaj timokuikatiskej (2Co 8:12). Semi techpaleuis komo tokalijtik timomamachtiaj keniuj timokuikatiskej.
Xikontali VIDEO Tein mopatatiualani itech inechikol Dios: Nekuikatilmej tein kiueyitaliaj Jehová (taxelol 1). Uan xikontajtani tokniuan:
¿Keniuj tiknextianij desde ne uejkauj ke motelneki maj timokuikatikan para tikueyitaliskej Jehová?
8. Nemachtil ika Biblia itech nechikol
(30 mins.) bt tamachtilis 9 § 1-7, tein ika peua taxelol 3 uan recuadro itech página 70.
