9:1-7

Xikonnemili keniuj momachilij Jesús keman iPopaj kiluij ke kiseliaya ijkuak mopatak kemej moitaya. Senkis tikmatij ke nejon kipaleuiskia maj kixiko nochi tajyouilis tein kipanoskia. Nejon taman no kipaleuij Pedro, Santiago uan Juan porin kinyekmatiltij ke Jesús katka Mesías uan ke kuali ke mochiujkaj itatojtokakauan. Kemej treinta y dos xiujmej satepan, Pedro kielnamikiaok nejon taman tein kichikauak itakuaujtamatilis itech “ne tanauatilme” tein Dios achto kijtojka (2Pe 1:16-19).

Maski tejuan amo tikitakej keman Jesús mopatak kemej moitaya, kemaj tikitstokej keniuj mochiujtok nejon neskayot. Axkan, Jesús tekiuajtitok uan kipia miak chikaualis. Amo uejkaua senkis tatanis uan kichiuas maj nikan taltikpak onka melaujkayot (Ap 6:2).

¿Keniuj kichikauani motakuaujtamatilis tikonitas ke mochiujtok tein achto moijtojka?