Tetatmej akin kichiuaj kemej Cristo semi yolpakij keman kiitaj ke ininkoneuan amo kitayekanaltiaj inintanejnekilis, ta kikuij inintajyouilis kouit uan nochipa kitojtokaj Jesús (Mr 8:34, TNM; 3Jn 4). ¿Keniuj uelis tetatmej kinpaleuiskej ininkoneuan maj kitojtokakan ineskayo Cristo, maj motemaktikan iuan Jiova uan maj moauikan? ¿Keniuj kinextia se okichpiltsin ke uelisya moauis?

Xikonixtajtolti kampa kijtoua “Tein tikiniluiaj tetatmej”, itech amaix ‘Xiyakan, xikinchiuakan nomomachtijkauan uan xikinauikan’, página 4 uan 5. Uan satepan xikitakan nejin netajtanilmej:

1. ¿Toni se imomachtijkauj Cristo?

2. ¿Toni moneki tetatmej kinmachtiskej ininkoneuan?

3. Ika tein kijtouaj nejin textos, ¿keniuj ueliskia kinextis se okichpiltsin ke uelisya moauis?

   • Col 3:20

   • Lu 2:46

   • Sl 122:1

   • Mt 4:4

   • Mt 6:33, TNM

   • 1Co 15:33