Netasojtalis kinpaleuia kalyetouanij maj kuali yetokan. Komo kalyetouanij amo motasojtaj, ouij kinkisas kuali mouikaskej uan sentekitiskej. ¿Keniuj akin kipiaj ininnamik uan tetatmej uelis kinnextiliskej ininchankauan ke kintasojtaj?

Se takat akin kitasojta inamik kimakas tein kipolos, kikakis tein kinemilia uan kiajsikamatis tein kimachilia (Ef 5:28, 29). Kinixpanoltis ichankauan uan kichiuas tein kinpaleuis maj kuali mouikakan iuan Jiova, kemej taueyichiualis kemej kalyetouanij (1Ti 5:8). Se siuat akin kitasojta inamik kitakamatis uan semi kipoujkaitas (Ef 5:22, 33; 1Pe 3:1-6). Takat uan siuat moneki motapojpoluiskej (Ef 4:32). Tetatmej akin kintasojtaj ininkoneuan kinyekpiaj uan kinpaleuiaj maj kitasojtakan Jiova (Dt 6:6, 7; Ef 6:4). ¿Toni ouijkayomej kipanouaj ininkoneuan kampa momachtiaj? ¿Toni kinpaleuia maj taxikokan keman oksekin kinkuejmolouaj? Komo kalyetouanij motasojtaj nochin kuali momachiliskej.

SATEPAN KE MOITAS VIDEO MAJ TIKINNEXTILIKAN TOCHANKAUAN NETASOJTALIS TEIN AMO KEMAN TAMI, XIKONCHIUA NEJIN NETAJTANILMEJ:

• ¿Keniuj se takat akin kitasojta inamik kiyekpia?

• ¿Keniuj se siuat akin kitasojta inamik kinextia ke kipoujkaita?

• ¿Keniuj tetatmej mochikauaj kinpaleuiskej ininkoneuan maj kiixmatikan Dios?