MAJ OKACHI KUALI TITAMACHTIKAN | OKACHI XIONYOLPAKI KEMAN TIONTANOJNOTSAS
Maj titamachtikan ika neskayomej
Keman oksepa tikinkalpanouaj taltikpakneminij oso tikinmachtiaj ika Biblia, moneki tikinpaleuiskej maj kiajsikamatikan tanemililmej tein tayekantokej. Komo tikuij neskayomej, tamachtilis kinyololinis uan okachi kielnamikiskej tein momachtiaj.
Keman tionmomachtijtos achto ke oksepa tikonkalpanos se taltikpaknenkej oso achto ke tiontamachtitiuj ika Biblia, xikonixpejpena tanemililmej tein tayekantokej tein okachi tikonneki tikonmelauas uan amo tanemililmej tein amo semi tayekantokej. Ompa, xikonnemili toni neskayomej tikonkuis tein amo ouij kiajsikamatis (Mt 5:14-16; Mr 2:21; Lu 14:7-11). Itech xiontanemili tein kiixmati uan tein kichiua (Lu 5:2-11; Jn 4:7-15). Semi tionyolpakis keman tikonitas ke taltikpaknenkej yolpaki porin kiajsikamatik se tamachtilis.
SATEPAN KE TIKONITAS VIDEO TIYOLPAKIJ KEMAN TIKINCHIUAJ IMOMACHTIJKAUAN JESÚS. MAJ OKACHI KUALI TITAMACHTIKAN: MAJ TITAMACHTIKAN IKA NESKAYOMEJ, XIKONNANKILI NEJIN NETAJTANILMEJ:
-
¿Keyej xa monekis tikinpaleuiskej taltikpakneminij maj kiajsikamatikan se tajkuilol tein moajsi itech Biblia?
-
¿Toni neskayot kikuik Rita keman kimelauak Romanos 5:12?
-
Taltikpakneminij kinyololinia neskayomej tein tikuij komo achto kuali tiknemiliaj katiyejua tikuiskej.
Komo kuali tiknemiliaj katiyejua neskayot tikuiskej, ¿keniuj nejon neskayot uelis kinpaleuis taltikpakneminij?
-
¿Keyej moneki tikuiskej videos uan okseki nepaleuilmej tein ika titamachtiaj?
