Keman techmelauaj okachi kitemouaj techmachtiskej teisa, maski no techtakakiltiaj uan techtatsakuiltiaj. Jiova techmelaua porin kineki maj tikueyichiuakan kemej kiyolpaktia (Ro 12:1; Heb 12:10, 11). Kemansa uelis techyolkokos maj techmelauakan, sayoj ke komo tikakij tein techiluiaj, Jiova techitas ke tiyolmelaujkej uan techtatiochiuis (Pr 10:7). ¿Toni moneki kielnamikiskej akin moneki kinmelauaskej oksekin uan akin kiseliaj tamelaualis?

Akin moneki kinmelauaskej oksekin. Tokniuan tayekananij, tetatmej uan oksekin mochikauaj tamelauaskej ika netasojtalis ijkon kemej kichiua Jiova (Jer 46:28). Keman tamelauaskej, moneki kichiuaskej kemej kinamiki uan ika netasojtalis (Tit 1:13).

Akin kiseliaj tamelaualis. Tein yeski tein kiixtaliskej keman techmelauaskej, moneki titatakamatiskej uan niman tikchiuaskej tein techyolmajxitiaj (Pr 3:11, 12). Kemej tinochin titajtakolejkej, kemansa moneki tikseliskej tamelaualis, xa ika tein tikixtajtoltiaj itech Biblia oso ika tein tikakij itech nechikolmej. Oso kemansa xa hasta monekis maj tayekananij techmelauakan. Komo tikakij tein techyolmajxitiaj keman techmelauaj uan tikchiuaj, okachi kuali tinemiskej uan satepan uelis tinemiskej nochipaya (Pr 10:17).

SATEPAN KE TIKONITAS VIDEO JIOVA KIMELAUA AKIN KITASOJTA, XIKONNANKILI NEJIN NETAJTANILMEJ:

• ¿Keniuj katka inemilis Canon keman konetok katka, uan toni panok satepan?

• ¿Keniuj kimelauak Jiova?

• ¿Toni techmachtia tein kipanok Canon?