Kemej timoajsij itamian nejin tonalmej, tikmatij ke tikpiaskej okachi ouijkayomej (2Ti 3:1; Mt 24:8). Miakpa, tiitekitikauan Jiova techiluiaj toni moneki tikchiuaskej keman mochiua se tetsauit uan ijkon amo timomikiliskej. Komo titatakamatij uan tikchiuaj axkan tein techpaleuis maj kuali tietokan uan maj tiksentokakan kuali timouikakan iuan Jiova, uelis timakisaskej keman mochiuas se tetsauit (Lu 16:10).

• Xikonchiua tein mitsonpaleuis xikonsentoka kuali xionmouika iuan Jiova. Nochipa xikonixtajtolti Biblia uan xionmomachti. Xionmochikaua tikonpapatas kemej tiontanojnotsa. Amo xionmomoujti komo amo ueli tionmosentilia iniuan tokniuan (Is 30:15). Xikonelnamiki ke Jiova uan Jesús nochipa mouan yetoskej (od-S 175, 176 § 15-17).

• Xikonchiua tein mitsonpaleuis kuali xionyeto. Kalyetouanij amo sayoj moneki kikalakiskej tein monekis itech se mochila tein uelis ijsiujka kikuiteuaskej, ta monekiskia no kisentiliskej takual, at, pajti uan okseki taman kemej kinajsis, porin kemansa xa monekis uejkauak mokauaskej ininchan (Pr 22:3; g17.5-S 4, 6).

SATEPAN KE TIKONITAS VIDEO TONI MONEKI TIKCHIUASKEJ ACHTO KE MOCHIUAS SE TETSAUIT, XIKONNANKILI NEJIN NETAJTANILMEJ:

• ¿Keniuj uelis tikchikauaskej tokuali uikalis iuan Jiova achto ke mochiuas se tetsauit?

• ¿Keyej moneki...

  • ... achto tikinmatiltiskej tayekananij seki taman?

  • ... tikalakiskej tein monekis itech se mochila tein uelis ijsiujka tikuiteuaskej?

  • ... ika titajtoskej tataman tetsaujmej tein uelis mochiuaskej kampa tinemij uan toni uelis tikchiuaskej?

• ¿Toni eyi taman uelis ika tikinpaleuiskej oksekin?

XIONMOTAJTANI: “¿Keniuj kokolis COVID-19 nechpaleuiani maj nikchiua tein moneki achto ke panos se ouijkayot?”.