Komo tiyolpakij, taltikpakneminij okachi kinekiskej techkakiskej. Uan no, tiknextiaj ke tikpatiuitaj tein tikteixmatiltiaj. Tinochin uelis tiknextiskej yolpakilis maski kampa yeski tikayomej oso maski amo semi titajtouaj (Ro 12:11). ¿Toni uelis techpaleuis maj tiknextikan yolpakilis?

Yekinika, xikonnemili ke tein tikonteixmatiltia nochin moneki kikakiskej. Tejuatsin tikonpia tatiochiualis tikonteixmatiltis “in Tajtoltsin de Dios ten kualkui ne yolseuilis” (Ro 10:15). Ojpatika, itech xiontanemili ke taltikpakneminij semi kinpaleuis tein Biblia tamachtia. Taltikpakneminij moneki kikakiskej tein tikteixmatiltiaj (Ro 10:13, 14). Uan expatika, maj moita ke yekmelauj tikonneltoka tein tiontamachtia.

SATEPAN KE TIKONITAS VIDEO TIYOLPAKIJ KEMAN TIKINCHIUAJ IMOMACHTIJKAUAN JESÚS. MAJ OKACHI KUALI TITAMACHTIKAN: MAJ TITAMACHTIKAN IKA YOLPAKILIS, XIKONNANKILI NEJIN NETAJTANILMEJ:

• ¿Keyej Rita amo kiyolpaktiayaok kimachtis Coral?

• ¿Toni kipaleuij Rita maj oksepa yolpakini?

• ¿Keyej moneki tikitaskej tein kuali tein kichiuaj uan tein kinextiaj akin techkakij?

• ¿Keniuj yolpakilis tein tiknextiaj uelis kinpaleuis akin tikinmachtiaj uan okseki taltikpakneminij?