TONEMILIS KEMEJ ITATOJTOKAKAUAN CRISTO
Xikonixtopeua tein tamachtiaj akin kikaujkej tamachtilis tein melauak
Satanás uan akin kinixyekana kimanelouaj tamachtilis tein melauak iuan xolopijyot para maj amo titakuaujtamatikanok (2Co 11:3). Yejua nejon tein kichiujkej asirios: amo nochi tein kiluijkej ixolal Dios katka melauak uan kinkajkayaujkej para maj mosenkauanij (2Cr 32:10-15). Uan akin kikaujkej tein melauak uan kiixnamikij, no ijkon kichiuaj. Sayoj takajkayauaj, yejua ika maj tikixtopeuakan nochi tein kijtouaj. Maj amo keman tikixtajtoltikan tein kijkuilouaj, maj amo tikinnankilikan nion maj tikintapouikan oksekin. Niman keman tikonmatis tein ika kitakajkayauiliaj Jehová uan inechikol, senkis xikonixtopeua (Jud 3, 4).
SATEPAN KE MOITAS VIDEO “XIKCHIKAUJTOKAN NAMOTAKUAUJTAMATILIS” (TAXELOL), XIKONNANKILI NEJIN NETAJTANILMEJ:
-
¿Keyej amo moneki timokalakiskej kampa miakej motajkuilouiliaj uan kijtouaj ke itaixpantijkauan Jehová?
-
¿Keniuj uelis tikchiuaskej tein tayolmajxitia Romanos 16:17?
